Өмір өзен толқындары бізді әйгілі 1986 жылғы Желтоқсан оқиғасынан уақыт өткен сайын алыстатып бара жатса да жүректерде мәңгілік ұмытылмайтын қастерлі бір нәрсе бар. Ол – дүр сілкіндірген сол үш күн ішіндегі Қазақ қыздары мен жігіттерінің рухына, ерлігіне деген тағзым мен құрмет. Бұл аға – апаларымыздың аңсаған армандары мен үміті, тілектері бұл күнде толық жүзеге асты. Бір ғана өкініш бар, ол азаттық үшін жан аямай алысқан боздақтардың кейбірінің бүгінгі бақытты сәттерімізді көре алмауы. Бүгін біз осы тарих беттеріне 10 "А" сыныбының дайындаған "Елімнің бақытын тербеткен-Тәуелсіздік" тақырыбындағы ашық тәрбие сағатында көз жүгіртіп, Тәуелсіздік жолында мерт болған боздақтарымызды еске алдық. Желтоқсан оқиғасына да биыл 30 жыл болып отыр. Уақыт өткен сайын барлық оқиғалар тарих қойнауына аттанады, алайда, бұл оқиға біздің есімізде мәңгі сақталады.