Мектебімізде 25 қазан күні қоғамда отбасылық құндылықтарды насихаттау , отбасын, ата-анасын , жақындарын жете бағалауға үйрету, халқымыздың тәлім-тәрбиесі ананың ақ сүтімен, әже өнегесімен, ата ақылымен берілетіндігін, өзіндік ұлттық қасиетімізді балалардың бойына дарыту, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, үлкенді сыйлауға, кішіге қамқорлық жасауға тәрбиелеу мақсатында «Отбасы-тәрбие басы, мектеп-тәрбие жаршысы » тақырыбымен оқушылар және олардың ата-аналарының қатысуымен түрлі формаларда іс-шаралар өткізілді.
1-4 сынып оқушыларымен сынып жетекшілер «Отбасы-бар байлықтың бастауы» атты көрсетіліммен жұмыстар жүргізіп, отбасылық мерекелер, дәстүрлер туралы айтып, жас бүлдіршіндер өз ойларын ашық жеткізді.
5-8 сынып оқушылары «Отбасындағы бос уақытты өткізу дәстүрі» тақырыбымен дөңгелек үстел ұйымдастырып, «Менің отбасымның тарихы» атты отбасылық кездесу өткізсе, 9-11 сыныптарда « Отбасының рухани құндылықтары » атты тәрбие сағаты өтті. 2 топқа бөлінген оқушылардың бір тобы отбасылық мерекелер мен дәстүрлер туралы ой қозғаса, екінші топ «Менің шежірем» атты әңгіме өрбітті.
6 сынып оқушылары таңдаған тақырыптары бойынша жобалар даярлап, қорғады.
Нәтижесінде балалар отбасының ең құнды , басты тәрбие бастауы екендігін, елдің гүлденуіне үлес қосар парасатты адамзат негізі отбасында қаланып, мектептен жалғасын табатынын ұғынды.
Жаңалықты мекеменің сайтында қарау
